Pòprôwka KDE menu w Kubuntu

Òpùblikòwóné w: Wkół kaszëbsczégò Linuksa — Tadżi: , — Mark @ 9:38 pp 9 mô. 2008 Dopòwiesców (4)

Wkrôdła sã nama w kaszëbsczim dolmaczënkù Kubuntu widzałô zarô pò òtemkniãcô menu fela – ti co mają winstalowóną kaszëbską wersëjã na gwës ju dozdrzelë, że mómë czile tërerów na zôczątkù słowa “zjadłé” – jaką mòże równak kòżdi baro letkò sóm pòprawic.

  1. Biéjta w menu do réżczi “mòwi nastôw”, a tam klëknijta prawą knapą mëszë na ten element
  2. Wëbierzta z menu – jaczé wama terô wëskòknie – “Editëjë element”
  3. Terô jesta w editorze menu KDE, dze w prawim górnym nórcekù je widzec nã felã
  4. Pòprôwta wpisënk na “Systemòwi nastôw”
  5. Klëknijta w lewim górnim nórcekù na ikònkã z disczétką bë zapisac zjinaczi
  6. Wëskòknie wama òkno aktualizëjącé kònfigùracëjã systemë
  7. Zamknijta òkno editorë menu KDE
  8. Terô ju môta pòprôwkã wprowôdzoną

Nen wpisënk òstôł dodóny w pią., 9, mô., 2008 ò 9:38 pp ë nalôzł sã w dzélu Wkół kaszëbsczégò Linuksa. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.

Dodôj do załóżków

4 dopòw. »

  1. Në a prôwda je takô, że nie je to nowô fela. Nót mdze kù reszce przezdrzec kdelibs jaczé mómë dodóné do Ubuntu, bò zmiłków to dô doch wicy 🙂

    Dopòwiesc przez Michôł — mô. 10, 2008 @ 4:51 pp

  2. Jo, to prôwda nôwëższi czas bë to przezdrzec – chòc jak narô to sã nicht nie skarżëł na to 😉
    Za to w Debianie wëzdrzi to lepi – wiész jô jakòs do tegò konquerora jem przënãcony ë brëkòwóny w Kubuntu Dolphin mie kąsk nerwëjë, chòc nie je z tima aż tak lëchò bë sã radë nie dac.

    Dopòwiesc przez Mark — mô. 10, 2008 @ 6:31 pp

  3. W Debianie je czëstô wersëjô KDE ze wcyg pòprawiónym dolmaczënkã a w Ubuntu sedzy to co mómë dodóné ju “lata lateczné” 😉
    A co do Dolphina – mie òn so widzy, ale to mést rzecz gùstu.

    Dopòwiesc przez Michôł — mô. 10, 2008 @ 7:48 pp

  4. Jo, to prôwda z tim Debianã – jô ò tim napisôł, bò móm w kùńcu skùńczoné pisanié tegò artikla ò nastôwie kaszëbsczi wersëji. Całowno wëzdrzi to równak Michôł pò prôwdze fejn, aż sã ceszã jak na to zdrzã.
    Jo 🙂 “lata latéczné” – trza równak pòprôwic. Na szczãsce dlô naju to òni nie dôlë wspiarcô LTS dlô Kubuntu 8.04.

    Dopòwiesc przez Mark — mô. 10, 2008 @ 7:53 pp

Pòwrózk RSS do tegò wpisënka. URL sygnalu TrackBack

Dodôj dopòwiesc