Firma Terra Soft Solutions zapòwiôdôła ju kòl kùńca lëstopadnika, że òddô do zladënkù darmôk (a nié jakno płatné zapisanié – jak to bëło przódë) wersëjã swòji distribùcëji Yellow Dog Linux 5.0 dlô Playstation 3 ë tã je ju mòżno pòbrac jakno òbrôz ISO ze szpédżélowich serwerów.
Yellow Dog Linux 5.0 je narô blós w wersëji dlô kònsolë Playstation 3, chòc je czëc ò tim, że mô sã pòkôzac téż wersëjô dlô PPC/Maca. Wersëjô 5.0 ùsôdzonô je w wikszim dzélu na Fedora Core 5 ë brëkùje jakno graficznegò òkrãzô desktopù Enlightenment e17, jaczé nié mô tak wiôldżich wëmògów jakno GNOME czë KDE.
