Kaszëbsczi Linux ë Ôpen Ùdbë : linuxcsb.org » TLUG

Linuksowé zëmòwiskò TLUGa

Mark — Sun, 30 Nov 2008 00:38:05 +0000

Trzëgardowé Karno Brëkòwników Linuksa (TLUG) chce zòrganizowac ju czwiôrti rôz w pòsobnicë w Pùckù, w HOM, Linuksowé Zëmòwiskò.

Kòszta za dwie noce (jizba z łazenka, fùl wëżëwienié ë ekstra dodôwczi) mają leżëc kòl 160 złotëch. Chãtni mògą òbôczëc co bëło lós na ùszłëch zëmòwiskach na starnie: zimowisko.linux.gda.pl.

To, czë bãdze òno miało plac czë téż nié, zanôleżi w wiôldżim dzélu òd waji, je nót czëkawich wëstapiéniów ë warkòwniów. Trzëgardowi LUG zachãcô do aktiwny wespółrobòtë w òrganizacëji linuksowégò zëmòwiska ë pòdôwaniô swòjich propòzycëjów wëstãpieniów.

Témë są baro szeroczé, òd hardwôrë, prze òperacjowé systemë, sprôwianié systemama, programòwanié aż pò prôwné ë spòlëzniané sprawë – wôżné je blós to, bë témë bëłë sparłãczoné z Linuksã.

Waji ùdbë na wëstãpienia mòżeta zgłôszac na stanie: puck.macuk.pl
Bôczënk: dlô lektorów dô 50% zniżënczi

Lëpińcowé pòtaknié TLUG-a

Mark — Fri, 13 Jul 2007 17:48:10 +0000

Nôslédné òtemkłé pòtaknié TLUG-a (Trzëgardowégò Karna Brëkòwników Linuksa) dô w sobòtã 14. lëpińca (witro) midzë 11.00 a 14.00, w bùdinkù Bibloteczi Gduńsczégò Ùniwersyteta przë Wita Stwosza 53 (Gduńsk Przëmòrze) Piotr Redman bãdze wëkłôdôł ò GIMPie w sparłączeniém z ùczbą ti programë. Na placu dô 20 kòmpùtrów do brëkùnkù, a chto mô, nen mòże przińc téż ze swòjim notebookã.

Łżëkwiatowé zéńdzenié Trzëgardowégò LUGa

Mark — Thu, 12 Apr 2007 17:55:12 +0000

Pòsobné pòtaknié nôléżników TLUGa (Tri-City Linux Users Group / Trzëgardowégò Karna Brëkòwników Linuksa) òdbãdze sã w Przédny Biblotece Gduńsczégò Ùniwersyteta (Gduńsk Przëmòrze) 14. łżëwkwiôta ò gòdz 11:00 a bãdze dérowac mni wicy do 14:00.

W programie m.jin. :

ClamAV – antiwirusowô programa, òbgôdka nôwnowszi wersëji – Przemysław Hołowczyc (kòl 60 min.)
Pyblosxom – prosti blog o czekwaich mòżnotach – Marcin Sochacki (kòl 60 min. ë tuwò ze starnë linuxcsb.org brateczné pòzdrówczi dlô Wanteda òd Kaszebë)
Òrganizacëjné sprawë – m.jin. planë na nôblëższé pòtkania ë òbgôdka wespólny z Mariuszem Gliwińskim (Projekt GE) “majówczi”.

Wicy wëdowiédzë na domôcëch starnach TLUGa

Zéńdzenié Trzëgardowégò LUGa

Michôł — Tue, 06 Mar 2007 16:41:01 +0000

Nôblëższé pòtkanié TLUG (Trzëgardowô Linux User Group) òdbãdze sã w nowim bùdinkù Bibloteczi Gduńsczégò Ùniwersiteta w sobòtã 10 strëmiannika ò 11:00.

W programie:

Wszëtczé dardżi czérëją do Capistranto, czëlë aùtomatizacëjô wdrożeniów aplikacëjów Web, Michał J. Wronka
Capistrano to nôrzãdze do wëkòwnywaniô równojaczich òperacëjów na daleczich serwerach. Rozmie òbsłëdżiwac wiele pòłączeniów równoczasno a równolëżno zrëszac na nich przedtim zaprogramòwóné przez brëkòwnika dzejania. W pòdspòdlowi wersëji ùmòżebniô ‘one click deploy’ dlô aplikacëji Rails, leno jegò mòżlewòtë są na tëli wiôldżé, że mòże bëc stosowóné do różnëch platformów a téż równojaczéch dzejaniów, co mùszą bëc robioné na wielu daleczich kòmpùtrach.

IPv6, Zibi Jarosik
Protokół IPv6 – diskùsëjô ò kònfigùracëji, ùżëcém, mòżlewòtach ë problemach.
Jakno ùdomôcëc WordPressa, Adam Kuczyński (jesz nie pòcwierdzoné)

Wëdowiédzô jakno nalezc ne zéńdzenié ë wicy detalów je na starnie TLUGa, w dzélu Spotkania.