Dzãka temù wtëkôczowi mògą brëkòwnicë Microsoft Office impòrtowac ë ekspòrtowac lopczi zapisóné w ôpen fòrmace Open Document Format (ODF), jaczi je sztandardã dlô OpenOffice ë StarOffice. Nôrzãdze to wespółrobi z tekstã, tabelama ë prezentacëjama ë wspiérô  MS Office 2000, Office XP und Office 2003. W nôslédnych wersëjach mô sã pòkôzac téż wspiarcé dlô Office 200.

• Wicy wëdowiédzë (w anielsczim jãzëkù) na starnach Sun Microsystems

Całowny paczét zamëkô w se sztandardowé kòmpònentë jakno: Writer, Calc, Impress, Draw, Base ë Math. Nôslédnô wersëjô 2.3.1 mô bëc fardich na 4 gòdnika tegò rokù.

Pòlskô starna zladënkù:

• http://pl.openoffice.org/product.download.html

Mô òn wespółrobic z tekstama, tabelama ë prezentacëjama. Je òn 30 MB wiôldżi ë stoi do zladënkù w Sun Download Center (wzérôjta za nim n.p. w alfabetnym spisënkù “Downloads A-Z”)
Wedle Suna je òn baro prosti do instalacëji, kònwertowanié lopków je dlô brëkòwmika transparentné, a wtëkôcz chôdô pòprôwno w MS Office 2000, Office XP ë Office 2003. Jak narô je òn blós przëstãpny pò anielskù, a nowé jãzëczi mają sã ju pòkôzac w nowich jegò wersëjach.

Mòżemë na gwës gôdac ò pòmòcë dlô brëkòwników darmôk paczétu Open Office ë płatnegò MS Office, ti pierszi mògą terô sélac lopczi ODF n.p. lënkùjąc do starnë zladënkù wtëkôcza ë na nen ôrt stôwô sã jich wëmiana baro prostô.

Wôrt je na gwës pamiãtac ò tim, że nie kòżdi mô tëli dëtków bë sã kùpic programã MS Office, czë téż to, że wiele lëdzi òdrzucô brëkùnk piracczich wersëjów (taczi brëkùnk je doch niezgòdny z prawã). Problemë mògą sã le pòkôzac ù ùżëtkòwników MS Offica, jaczi mògã bëc zwëczajno ti dbë, że kòżdi mùszi jima sélac kòmpatibilné z jich softwôrą lopczi, le na felënk dobri wòle ju nié mómë doch cëskù.

• Zladënk
• Open Office pò pòlskù

Z jinszëch zmianów to mómë m.jin.

• ekspòrt do PDF jaczi wspierô terô téż załóżczi a ùsôdzô téż, jeżlë nót, fòrmùlare z pòlama wpsiënkù
• impòrt tabelów Excela jaczi òstôł zletczony ë dorównóny z microsoftã, co sã òsoblëwié tikô trigònometricznëch fùnkcëjów
• nowé fùnkcëje zaktualnienia, jaczé szëkô terô téż za nowima wersëjama makrosów ë szablónów.

Króm zjinaków òsta bënë wer. 2.2 zasztopónô dzura w bezpiekù.
Nie dô jesz w nowi wersëji nowich filterów do impòrtu/ekspòrtù fòrmatu Open-XML- z familëji Worda, tuwò je nót jesz pòżdac do pòsobny wersëji OpenOffice.

Karno OpenOffice bãdze ùprzistãpniac wikszé zaktualnienia co szesc ksãżëców, a midzë tima bãdze szło zladowac mniészé zaktualnienia z pòprôwkama felów bënë soft-wôrë.

Zladënk nowi wersëji:

• http://download.openoffice.org/2.2.0/

Zdrój:

http://development.openoffice.org/releases/2.1.0.html

Nen ùczbòwnik czérowóny je w przédnym dzélu do brëkòwników stôrszegò ju paczétu, OpenOffice 1.1.4, chòc wikszosc tegò co mòże so z niegò naùczëc jidze téż ùżëc w nônowszi wersëji. Wedle instrukcëji jaką jidze nalezc na starnie, filme jidze zrëszëc blós w systemie Windows, chòc bez problemu dzejają òne téż pòd jinëma systemama.