KNOPPIX 5.1.0

Tadżi: — Mark @ 10:50 dp 31 gòd. 2006

tux.pngKlaus Knopper przekôzôł wiadło ò nowi kùńcowi wersëji 5.1.0 swòjegò KNOPPIXa. Ta nôstarszô linuksowô live distribùcëjô je do zladënkù jakno CD ë DVD. Je òna baro eksperimantalnô, zbògaconô (króm nôslédnych realizacëjów soft-wôrë jakô sã w ni zamëkô) téż òptacëjnëma nowòscama jakno n.p. trzëmiarowi desktop Beryl. Nowé jądro 2.6.19(.1), KDE 3.5.5, OpenOffice 2.1 ë NTFS-3G, jaczi dôwô mòżnota zôpisu na NTFS-Partiticëjach, to nie wszëtkò co sã zmieniło òd slédnégò wëdôwkù KNOPPIXa, całô lësta zmianów pòkazëwô dopiérze co wszëtkò je nowégò. KNOPPIX to równak nié le live CD, nã linuksową distibùcëjã (òpiartą na Debianie), mòże zainstalowac téż na cwiardą platã (wpiszë prosto w kònsolë: sudo knoppix-installer ë słëchôj sã pòmòcny w instalacëji instrukcëji).
Wôżnëm wiadłã dlô piszãcëch pò kaszëbskù je gwës to, że w ti wersëji ju je mòżno wëbrac kaszëbską klawiaturã.

Lësta szpédżélowich serwerów z nową wersëją òbrôzów ISO najdzëta tuwò: hhttp://knopper.net/knoppix-mirrors/index-en.html

Dobrô pòmòc w pòlsczim jãzëkù (równak na dzysô bez wiadła ò slédny wersëji – Linuxcsb bëł z tim wiadłã barżi flot 😉 ) :
http://knoppix.7thguard.net/