Footiefox – z lëżnoscë Mésterstwa Swiata
Òpùblikòwóné w: Przezérniczi — Tadżi: Firefox, Footiefox — Mark @ 8:39 pp 12 czer. 2010 Dopòwiesców (3)
Footiefox w akcëji, w nórcëkù przezérnika Firefox
Ùwôżny czëtińcë pamiãtają mòże jesz, że 4 lata nazôd ma mielë pisóné na starnie kaszubia.com ò rozszérzeniu dlô Firefoxa, dzãka chtërnemù szło w nórcëkù przezérnika dozérac skùtczi fùsbalowich mésterstwów swiata. Në ë terô mómë téż taką mòżnotã, a to dzãka rozszérzeniu Footiefox .
Nastôw Mésterstwa Swiata w Fùsbalë, w rozszérzeniu Footiefox
Jakno je dobëc ë zrëszëc?
Sygnie do tegò le miec ù se winstalowóny przezérnik Firefox , zladowac rozszérzenié Footiefox ë je winstalowac. Pò zrëszeniu przezérnika znowa, dobëje sã mòżnotã nastôwù wielu òptacëji, z czegò w przëtrôfkù Mésterstwa Swiata w Fùsbalã, je nót wëbrac w dzélu „Swiat” World Cup” ë zwëczajno dodac do prawi starnë tabelë, jakno na òbrôzkù.
Wëskakùjącé òkno Footiefoksa przë tim jak bala wpadnie do bramczi
Mùsz dlô kibòlów co nie chcą sã òderwac òd kòmpùtra 😉
Nen wpisënk òstôł dodóny w sob., 12, czer., 2010 ò 8:39 pp ë nalôzł sã w dzélu Przezérniczi. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.
Móm to winstalowóné, ale przenômni dlô mionczi Italskô – Paragwaj niżódné wiadło mie nie weskókło jak bëło 0:1…
Dopòwiesc przez Michôł — czer. 14, 2010 @ 9:40 pp
Në, jô terô ni miôł włączonegò kòmpùtra, równak rëchli mie to robiło dobbrze, co je widzec na wëższim òbrôzkù 🙂
dodóné 15 czerwińca 2010
Móm terô włączony kòmpùtr ë mie wëskòkło wiadło, co mòże òbaczëc niżi
Dopòwiesc przez Mark — czer. 14, 2010 @ 10:33 pp
Ne to może to w ti naszi Kaszebsczi nie chce robic, le dzes tam dalek dzejo 😉
Pod Windowsa dlo FF 3.6.3 feleje aktualizaceji miónków. Dzyso mie nen footiefox automatno sa zaktualizowoł do nowszej werseji, tede może badze lepi. Obaczema 🙂
Dopòwiesc przez Michôł — czer. 16, 2010 @ 8:25 dp