Kaszëbsczi Linux - eżlë szëkôsz pòmòcë…
Òpùblikòwóné w: Pòmòc, Òglowé nowinë — Michôł @ 4:43 pp 13 stë. 2007
Jesz nie je parôt fejn skaszëbionô systema a ju jidze ò ni pòczëtac - narô są le dwa artikle, jeden w naszekaszuby.pl a drëdżi w dodôwkù Trzëgard (Trójmiasto) do Wëbòrczi Gazétë (Gazeta Wyborcza) ë na jich starnie.
Nimò tegò co je napisóné w Gazéce, ze starnë linuxcsb.org jãzëkòwëch paczétów dostac nie jidze. Narô je blós mòżlewòta skòntaktowóniô sã z redachtorama, czë to w dopòwiescach, czë przez e-mail ë òd nich zwëskanié pòmòcë (a na gwës pòmògą ùsôdzëc kaszëbskòjãzëkòwą wersëjã linuksa).
Mómë ùdbã, żebë ju za sztërk wëdac ë ùprzistãpnic dlô wszëtczéch skaszëbioną wersëjã Kubuntu z dodôwkama, dzãka czemù mdze nót blós włożëc platã LiveCD do nëkù a włączëc kòmpùtr. Jakno w kòżdi wersëji Ubuntu, téż ë w ti mdze mòżlewòta zainstalowania ji na diskù. Czedë mòże so spòdzëc ti platë jesz nie mòże rzec - mómë starã, żebë bëło to jak nôchùtczi.
Nen wpisënk òstôł dodóny w sob., 13, stë., 2007 ò 4:43 pp ë nalôzł sã w dzélu Pòmòc, Òglowé nowinë. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.
