Reklama!

Òpùblikòwóné w: Òglowé nowinë — Michôł @ 11:30 pp 27 stë. 2007 Dopòwiescë (0)

Mómë naczãti pierszi dzél reklamòwi akcëji najegò dolmaczënkù Linuksa. Pò artiklu w naszekaszuby.pl – co czekawé ë znankòwné òstôł òn so bez echa westrzódka sómëch Kaszëbów – ùkôzôł sã tekst w Gazeta Wyborcza (m.k, aktualizacëjô lënka – tekst terô le jakno wëjimk). Miôł òn w se czile felów (na przëmiôr wedowiédzô, że mòże zladowac dolmaczënk òd naju ë że òn ju skùńczony, co jesz prôwdą nie je), le dzãka niemù ma so dowiédzeła, że to dô czile lëdzy, chtërnym generalno projekt so widzy. Jesz jedno dobro starna negò artikla to ta, że cëtowóny béł w wielu pòrtalach pòswiãconëch kòmpùtrowim ë nie le blós sprawom a béł henë żëwò kòmentowóny (chòc jakno wëzdrzą dopòwiesce w Intenece to choba kòżdi wié…). Téż na zdrëszony starnie kaszubia.com ùkôzôł so krótczi wpisënk ò naji robòce.

Michôł w programie Kaszëbë w TVP3Na sómëch prasowëch akcëjach to so nie skùńcza ë tak szło dowiédzec so ò naji ùdbie z programù Kaszëbë w TVP3, a dzysô nakrãcony òstôł materiał dlô kartësczi telewizëji Teletronik. Chòc nie mòże rzec, że rozmiã jakno nót je zachòwac so przed kamerą ë mòże to wszëtkò jesz nie wezdrzi tak fejn, jakno jô bë chcôł, le cos w tim czérenkù mómë ju zrobiony ë generalno nie wzérając za wiele na felënczi (np. jãzëkòwi) jidze sã z tegò co dowiedzëc. Gwesno pòstãpnym razã mdze wiele lepi.

A żelë ju piszemë ò pòstãpnych razach, to nót je dodac, że mómë ùdbã, żebë ju w lëpińcu rëszëc z zôstną akcëją ë pòkôzac ju swiatu co mògą zrobic Kaszëbi! A chùtczi téż to dô gwësné surprizë. Tedë żdôjta na dalszi wiadła ò kaszëbsczim linukse 🙂

Wëdowiédzô ò naji ùdbie m. jin. w:

Wicy nalezc jidze w googlach


Nen wpisënk òstôł dodóny w sob., 27, stë., 2007 ò 11:30 pp ë nalôzł sã w dzélu Òglowé nowinë. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.

Dodôj do załóżków

Felëją dopòwiescë »

Felëją narô dopòwiescë.

Pòwrózk RSS do tegò wpisënka. URL sygnalu TrackBack

Dodôj dopòwiesc