Problemë Wikipediji

Òpùblikòwóné w: Òglowé nowinë — Michôł @ 2:58 pp 13 grom. 2007 Dopòwiescë (1)

wiki_puzzle.pngJak mòże przeczëtac w mést wszëtczéch nôwikszëch pòrtalach czë gazétach Wikipedijô je w niebezpiekù – jidze nibë ò dëtczi. Prôwdã je, że ti ùdbie, jakno choba wikszemù dzélowi wòlnëch projektów, dëtków wcyg je nót – midze jinszëma na nowé serwerë, a jich felënk sparłãczony je wiedno z rozwijã. Równak, Wikipedijô mô sã baro fejn, a jesz dalek je òd ùpadniãcô.

W pòslédnym tidzéniu, w cządze kònferencëji Lift w Genewie zacëtowónô òsta wëpòwiesc wastnë Florence Devouard z Fùndacëji Wikimedia, w chtërny scwierdzëła, że Wikipedijô mô dëtczi do òpłaceniô swòjëch serwerów na nôblëższé sztëre miesące. Niechtërny lëchò to zrozmiele ë naczãle dopòwiadac, że do tegò czasu projekt òstanié zamkniãti. Devouard rzekła równak dali, że zamkniãcé Wikipediji je slédną, hipòtetikòwą mòżlëwòtą ë na gwës tak so nie stónié. A całowna wëpòwiesc mia pòkôzac brëkòwnotã dëtków dlô ti ùdbë

W artiklu w Gazeta Wyborcza, chtëren téż de facto zamëkô w se zmiłkòwé infòrmacëje na tã témã je zmiónka ò kaszëbsczi Wikipediji.


Nen wpisënk òstôł dodóny w wt., 13, grom., 2007 ò 2:58 pp ë nalôzł sã w dzélu Òglowé nowinë. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.

Dodôj do załóżków

1 dopòwiesc »

  1. Në jo. Generalno to doch nick nowegò – lżi je sprzedc lëchi wiadło jakno dobré, a króm tegò wiele lëdzi mô zwëczajno ùcechã z tegò, że jakôs przëdatnô pòdjimizna pôdô (zdrzë: kùńcowô mòdlëtwa z “Dzień Świra” 😉 ). Z drëdżi starnë kòżdô sprostownié to dlô wikszoscë ë tak “pëskówka” – cos mie to przëpòminô 😉 .
    Móm cos czëté, że Yahoo! miôł serwerama wspierac Wiki – nie wiem co z tegò je wëszłé. Przë ODP bëło przódë serwerowé wspiarce òd Netscapea, a terô ùtrzëmiwô sërwerë AOL co wëkùpił doch Netscapea. Mëszlã, że jak ju bë miało bëc z Wiki aż tak lëchò, to dô wiedno jakąs internetową wikszą firmã co dô wspiarce – lepszi reklamë nie mòże sã zrobic w néce.

    Dopòwiesc przez Mark — grom. 13, 2007 @ 9:18 pp

Pòwrózk RSS do tegò wpisënka. URL sygnalu TrackBack

Dodôj dopòwiesc