Big Buck Bunny ju do zladënkù!

Òpùblikòwóné w: Òglowé nowinë — Michôł @ 10:36 dp 31 mô. 2008 Dopòwiescë (1)

Ôpen zdrojowé ùdbë to nie blós programë, systemë ë kòdowanié – sztótama czas je téż na rozegracëjã, téż “òtemkłą”. Bëlnym tegò przëtrôfkã je krótczi, animòwóny film ò jaczim przódë ju mómë pisóné. Czile dni dowslôdë miał wëszłi na DVD film Big Buck Bunny a ju terô mòżemë gò zladowac! Film je przëstãpny w wielu fòrmatach (MP4, OGG, H.264, MSMP4), dzãka czemù dzejôł mdze wszelejaczich òdgrëwôczach. Film je téż do òbezdrzëniô w serwisach Youtube ë Vimeo.

Ôpen zdrojowi film òznôczô ni mni ni wicy jak to, że mómë téż przëstãp do zdrojów. Dlôtë aùtorowie mają przërëchtowóné téż do zladënkù robòczé lopczi: scenë, mòdele sztaturów czë òbiektów, teksturë, skriptë ëtd. Mést dlô tëch co rozmieją robic z 3D grafiką to czekawô deja, bò ùmòżebniô wëzwëskanié tegò wszëtczégò ù se.

A më rôczimë do òbezdrzëniô negò filmù w najim serwisu!




Nen wpisënk òstôł dodóny w sob., 31, mô., 2008 ò 10:36 dp ë nalôzł sã w dzélu Òglowé nowinë. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.

Dodôj do załóżków

1 dopòwiesc »

  1. Fejn zrechtowóny, le téż kąsk “brutal”, le w naturze tak to ju je :-)

    Dopòwiesc przez Mark — mô. 31, 2008 @ 12:23 pp

Pòwrózk RSS do tegò wpisënka. URL sygnalu TrackBack

Dodôj dopòwiesc