Skądka go wzyc?

Mark @ 2:57 pp 9 gòd. 2006 Comments Off on Skądka go wzyc?

Linux na sómëm zôczątkù bëł rozprowôdzóny blós przez Internet. Z czasã przëszło równak do niegò corôz wicy kòmpònentów (òkrãżé do programòwaniô, sécowô soft-wôra, graficzné òkrãzé…) co dało mòżnotã ùżëczewônia w różëch distribùcëjach różnëch zestôwków, z jaczich kòżdi brëkòwnik mòże wëbrac tã dlô se pasowną, jakno ë jã dofùlowac ò jinszé programë, jaczich òna w se òb czas instalacëji mòże nie zamëkac. To doprowadzëło do tegò, że króm internetu jakno zdroju nônowszëch wersëjów, pòkôzałë sã téż platë CD/DVD z fardich òperacjową systemą Linux, jaczé mòże kùpic czë to w pùdełkach òd różnëch distribùtorów razã z pòmòcnëma ksãżkama, czë jakno CD/DVD rozprowôdzónëch przë różnëch kòmpùtrowëch gazétach (taczé rozwiązanié je tóńsczé).

Wëjimk intetnetowich zdrojów darmôk distribùcëjów:

  • Debian: http://www.debian.org/ (dlô barżi awansowónëch brëkòwników)
    • Òd wersëji 4.0 etch z kaszëbską klawiaturą bënë
    • Òd lenny z kaszëbsczima lopkama dlô KDE

  • Fedora: http://fedoraproject.org/ – sostrnô, wòlnô ë niekòmercëjnô ùdba Red Hat Linuxa, letkô w instalacëji z ceskã na òkrãżé GNOME.

    • Kaszëbskô klawiatura bënë òd wersëji Fedora 8
    • Òd Fedorë 9 z kaszëbsczima lopkama dlô KDE 4.x

  • Kubuntu: http://kubuntu.org/ – òpiartô na Debianie, letkô do zainstalowaniô, z òkrãżém KDE ë dolmaczonô na kaszëbsczi

    • Òd wersëji 7.04 z kaszëbską klawiaturą bënë
    • Òd 7.10 z kaszëbsczim do wëbiérkù jakno domëszlny jãzëk systemë.

  • Mandriva: http://www.mandriva.com/ – kòmercëjnô distribùcëjô, równak z darmôk wersëją Madriva Free; letkô w instalacëji.

    • Kaszëbskô klawiatura òd wersëji Mandriva 2008.

  • openSUSE: http://www.opensuse.org/ – sostrnô, wòlnô ë niekòmercëjnô ùdba Suse Linux z dodomù Novell , letkô w instalacëji z ceskã na òkrãżé KDE.
    • Òd wersëji 10.2 z kaszëbską klawiaturą
    • Òd wersëji 10.3 z kaszëbsczim jãzëkã do wëbiérkù jakno ë domëszlny dlô całi systëmë z KDE

  • Slackware: http://www.slackware.com/ (dlô barżi awansowónëch brëkòwników)

    • Kaszëbsczé lopczi dlô KDE ë klawiatura ju òd wersëji 12.1 .

  • Ubuntu: http://www.ubuntu.com/ (òpiartô na Debianie, letkô do zainstalowaniô, z òkrãżém GNOME)
    • Òd wersëji 7.04 z kaszëbską klawiaturą bënë, a òd 8.04 z mòżnotą wëbiérkù kaszëbsczégò jakno domëszlny jãzëk dlô systemë