Cëż to je Linux?

Mark @ 2:42 pp 9 gòd. 2006 Dopòwiescë (0)

tux.pngLinux – to fùlwôrtnô kòmpùtrowô òperacjowô systema, jakno ë jądro (an. kernel). Pierszi Linux pòwstôł w 1991 rokù, a jegò ùsôdzcą je Fina Linus Torvalds, jaczi do dzysô kòòrdinëje jegò rozwij. Linux je ùżëczëwóny wedle wòlny licencëji GNU General Public License (GPL). Całowny paczét razã z jądrã nazëwô sã téż czasã GNU/Linux. Samò miono systemë je sparłączeniém słówLinus (òd miona ùsôdzcë) ë miona òperacjowi systemë Unix.

Eżlë wzérac na to akùratno, to samò słowò Linux òpisëwô blós samò jądro jaczé kòòrdinëje wespółrobòtą hard-wôrë ze sobą. Samô òperacjowô systema pòwstôwô ze sparłączeniô tegò jądra z dodôwnëma kòmpònentama jakno òkrãżé do programòwaniô, sécowô soft-wôra czë graficzné òkrãzé (n.p. KDE, GNOME ëtd). Na tak pòwstałą òperacjową systemã dô nié le jednegò producenta czë firmã jakô ją rozprowôdzô, le wiele distribùcëjów ò różnëch profilach zestôwkù programów, z jaczich kòżdi brëkòwnik mòże ten pasowny dlô se wëbrac. Kwestiô “nôlepszi” distribùcëji je tuwò sprawą czësto subiektiwną.