Ubuntu 9.04 ju je
Òpùblikòwóné w: Ubuntu, Wkół kaszëbsczégò Linuksa — Tadżi: Kaszëbsczi Linux, KDE 4, Kubuntu, Ubuntu — Mark @ 2:43 dp 24 łżë. 2009 Dopòwiescë (0)
Pùnktualno z terminã realizacëji pòkôza sã nowô wersëjô 9.04 (Jaunty Jackalope) pòpùlarny linuksowi distribùcëji Ubuntu. Do zladënkù stoją òbrôzë CD/DVD dlô desktopów ë serwerów z 32 ë 64 bitowima procesorama z architekturą x-86, jakno ë wersëjô Ubuntu 9.04 Netbook Remix na pamiãc USB dlô Netbooków.
Bënë nowégò wëdôwkù mómë m.jin. : nowé jądro (2.6.28.11), X-Server w nowim wëdôwkù 1.6.0, zaktualnioną softwôrã.
Ubuntu zamëkôw se graficzné òkrãżé GNOME 2.26.1, a Kubuntu KDE 4.2.2. Przë tim slédnym wôrt je dodac, że mómë w nim kaszëbską wersëjã KDE jakô je lepszegò kwalitetu jakno rëchliszé wëdôwczi. Króm tegò mają rozwijôrze Ubuntu dorobioné startowanié systemë tak, że skrodzëł sã nama czas startowaniô ò kòl 30%. Familëjô Ubuntu wspiérô téż terô nową systemã lopków Ext4, chtërnô stoi do wëbiérkù króm standardowi jesz u Ubuntu Ext3.
Òbrôzë platków mòże zladowac darmôk z:
- Kubuntu: http://www.kubuntu.org/getkubuntu
- Ubuntu: http://www.ubuntu.com/getubuntu/
abò téż zamówic darmôk CD z negò placu:
- Kubuntu: https://shipit.kubuntu.org/
- Ubuntu: https://shipit.ubuntu.com/
Nen wpisënk òstôł dodóny w pią., 24, łżë., 2009 ò 2:43 dp ë nalôzł sã w dzélu Ubuntu, Wkół kaszëbsczégò Linuksa. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.
