Ubuntu 7.04

Òpùblikòwóné w: Ubuntu — Tadżi: , — Mark @ 11:57 dp 21 łżë. 2007 Dopòwiesców (2)

ubuntu-logo.pngNowô wersëjô familëji Ubuntu 7.04 “Feisty Fawn (Edubuntu, Kubuntu, Ubuntu, Xubuntu) ùkôza sã we czwiôrtk 19. łżëwkwiôta – zgòdno z zapòwiedzama. Systema prezentëje sã nama zaktualnionô z jądrã 2.6.20, X.org 7.2, Gnome 2.18 ë KDE 3.5.6 (Kubuntu).

Do nowòsców przënôlégô wirtualizacëjô w wersëji dlô serwerów, aùtomatné doistalowanié mùltimedialnëch kòdeków ë asystenta migracëji, jaczi przejimô w dzélu ùstôwë z Windowsa czë Linuksa. Ubuntu 7.04 mòże zladowac w wersëjach dlô systemów x86, PPC ë x64, a wersëjô dlô serwerów téż dlô procesorów SPARC. Brëkòwnicë wersëji 6.10 są w sztãdze, przë przistãpie do intenetu, doprowadzëc jã do 7.04 przez aktualizacëjã online, prosto z menadżera aktualizacëjów.

Co dlô naji wôżné, to je fakt, że to pierwszô òficjalnô wersëjô Ubuntu jakô zamëkôw se aùtomatno kaszëbską klawiaturã.
Testë za sztërk na tich starnach.

Zladënk:


Nen wpisënk òstôł dodóny w sob., 21, łżë., 2007 ò 11:57 dp ë nalôzł sã w dzélu Ubuntu. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.

Dodôj do załóżków

2 dopòw. »

  1. Mie so nie darzëła na aktualizacëja online, prosto z menadżera aktualizacëjów. Chòc gwësno to dobrze, bò chcã wszëtkò zrobic òd nowa ë òbaczëc jak letkò jidze ùsôdzëc kaszëbsczi dolmaczënk. Z drëdżi starnë, mój òjc zaktualizował swòjé Kubuntu do nowi wersëji bez niżódnëch problemów! Chcec to móc 🙂

    Dopòwiesc przez Michôł — łżë. 21, 2007 @ 2:41 pp

  2. Mie pòszło dobrze z aktualizacëją online na Edubuntu (knôp), Ubuntu (białka) ë na Xubuntu (testowò ù se), chòc trza dodac, że nié ma co sã za to brac przë wòlnym internece (tuwò lepszô/tóńszô je aktualizaëjô z nowi wersëji systemë co je na alt. CD). Nowô instalacëjô (kubuntu ë téż kubuntu alt. – móm òbie sprôwdzoné) nie je jesz z wëbiérkã kaszëbsczégò jãzëka. Dali je nót rãczno zmienic môłé conieco bë to szło.

    Dopòwiesc przez Mark — łżë. 21, 2007 @ 11:12 pp

Pòwrózk RSS do tegò wpisënka. URL sygnalu TrackBack

Dodôj dopòwiesc