Czas na nowé menu!

Òpùblikòwóné w: KDE,Pòmòc — Michôł @ 9:59 pp 5 grom. 2007 Dopòwiescë (0)

kde_logo.pngJesz nié mô nowégò KDE a ju mòżemë òbaczëc jakno wëzdrzëc mdą niechterny aplikacëje. Dzysô zastãpnik stôrégò KMenu jaczim je Kbfx. Miono mòże nie je nôlepszé, leno nie jidze ò to jakno to mianowac, le jak mdze to wëzdrzëc w codniowi robòce.

Nôpierwi instalacëjô. Jak zwëkòwò, je to letkô sprawa ë abò w kònsolë piszemë

sudo apt-get install kbfx

abò w Synapticu czë Adepce szëkómë paczétu kbfx.

Pò ti prosti instalacëji, nót je na pùstim môlu panelu klëknąc prawą knąpã mëszë ë wëbrac Dodôj aplet do panela ë z tak òtemkłégò òkna wëbrac KBFX Spinx.

Zjôwi so nama knąpa Start (mòże ją przeniesc na jiny plac cygnąc za pòle ze strzélką z lewi starnë knąpë) co mdze wëzdrzëc tak:

Kbfx - menu

Z prawi starnë mómë jesz przistãp do stôrégò menu (knąpaz lëterą K), dzãka czemù flot mòżemë wrócëc do pòprzédnégò menu a wcyg miec przistãp do nowégò. Żelë nie chcemë ju miec stôrégò menu, téj mòże rëmnąc gò przez klëkniącé prawą knąpą mëszë na wòlnym placu panela ë wëbranié Rëmôj z panela->Aplet->Menu KDE. Pò rozwinãcym nowégò menu òbaczëmë wëzdrzatk, taczi jakno na tim zdrzucenkù:

Kbfx - menu

Jakno choba wszëtczé elementë KDE, téż ë ten mòże zmienic swòj wëzdrzatk dzãka różnym témom. Na starnie kde-look.org mòże nalezc wiele różnëch dodôwków do Kbfx a nie le blós do tegò programù.

Kbfx - menu


Nen wpisënk òstôł dodóny w pòn., 5, grom., 2007 ò 9:59 pp ë nalôzł sã w dzélu KDE, Pòmòc. Mòżeta dozérac nen wpisënk dzãka pòwrózkòwi RSS 2.0. Mòżeta òstawic dopòwiesc , abò trackback ze swòji starnë.

Dodôj do załóżków

Felëją dopòwiescë »

Felëją narô dopòwiescë.

Pòwrózk RSS do tegò wpisënka. URL sygnalu TrackBack

Dodôj dopòwiesc