Kaszëbsczi Linux ë Ôpen Ùdbë : linuxcsb.org http://linuxcsb.org Kaszëbsczé starnë wspiarcô dlô Ôpen Ùdbów Sun, 29 Aug 2010 20:06:17 +0000 en hourly 1 http://wordpress.org/?v=3.0.1 Linuxcsb 2 – Kaszëbsczi Remix Kubuntu 10.04 LTS http://linuxcsb.org/kde/linuxcsb-2-kaszebsczi-remix-kubuntu-10-04-lts http://linuxcsb.org/kde/linuxcsb-2-kaszebsczi-remix-kubuntu-10-04-lts#comments Sun, 29 Aug 2010 19:49:11 +0000 Mark http://linuxcsb.org/?p=430 Òprzëstãpniómë wama do zladënkù  drëdżi Kaszëbsczi Remix Kubuntu – Linuxcsb 2. Nen òpiarti je na wersëji Kubuntu 10.04 LTS , chtërnô mô długszé òficëjalné wspiarcé dlô zaktualnieniów. Je to platka chtërną mòżeta zladowac z najich starnów ë  brëkòwac pò wëpôleniu prosto z DVD, abò téż jã zwëczajno winstalowac. Zamòdlëwómë, dlô nowich brëkòwników Linuksa, abë wëpróbòwôlë jã wprzód prosto z DVD abò n.p. z pendriva USB – bez instalacëji.

Bënë najegò zestôwka (wëbiérk zamkłi softwôrë)

Biuro

  • OpenOffice – całowny paczét programów do edicëji tektów, kalkùlacjowich tabelów, céchowaniô ëtd

Grafika

  • GIMP – awansowónô programa do przerôbianiô òbrôzów

Internet

  • Firefox – przezérnik internetowich starnów z nastôwionyma pòwrózkama kanałów RSS dlô kaszëbskòjãzëkòwich starnów
  • Thunderbird – pòcztowô programa
  • FileZilla – klient FTP

Jãzëczi

  • Kaszëbsczi
  • Pòlsczi

Mùltimedia

  • Kòdeczi do graniô wszelejaczich lopków aùdio ë òbzéraniô platków dvd

Nôrzãdza

  • Ndiswrapper – graficzny instalownik windowsowich czéronwików dlô kôrt wi-fi
  • 7zip – programa (z przëdôwkama jakno m.jin. rar) do pakòwaniô katalogów/lopków

Jakno ë wiele jinych

Zladënk

Przëdatnô pòmòc w ùsôdzeniô sztartowi platczi DVD pòd Windowsã ze zladowónegò lopka:

]]> http://linuxcsb.org/kde/linuxcsb-2-kaszebsczi-remix-kubuntu-10-04-lts/feed 0 Wine 1.2 je w kùńcu ju fardich http://linuxcsb.org/pomoc/wine-1-2-je-w-kuncu-ju-fardich http://linuxcsb.org/pomoc/wine-1-2-je-w-kuncu-ju-fardich#comments Sun, 18 Jul 2010 09:10:20 +0000 Mark http://linuxcsb.org/?p=386 Nowé Wine miało sã ùkôzac jesz w czerwińcu, le trza bëło nama pòżdac na wersëjã 1.2 do lëpińca. Wine to aplikacëjô, chtërnô dôwô mòżnota niejednym programòm dlô Windowsa robic m.jin. pòd Linuksã. Nôwôżniészą nowòtą wersëji 1.2 je wspiarce pòd Linuksã dlô 64-bitowich windowsowich aplikacëjów.

Dorobiony òstôł w nowim Wine kąsk téż jegò bùtnowi wëzdrzatk, mómë téż lepszé wspiarcé dlô Direct3D – co je wôżné dlô tich co chcą zrëszac windowsowé grë pòd Linuksã.

Wine to pòmòcnô programa, dzãka ni mòże zrëszëc pòd Linuksã wiele programó ùsôzonych dlô Windowsa, jakno n.p. fejn darmôk programã, chtërną je kaszëbsczi słowôrz Riszarda Grzesło.

Wine – zladënk: winehq.org/download

* Logò – zdrój: http://www.winehq.org

]]> http://linuxcsb.org/pomoc/wine-1-2-je-w-kuncu-ju-fardich/feed 0 Footiefox – z lëżnoscë Mésterstwa Swiata http://linuxcsb.org/przezerniczi/footiefox-z-leznosce-mesterstwa-swiata http://linuxcsb.org/przezerniczi/footiefox-z-leznosce-mesterstwa-swiata#comments Sat, 12 Jun 2010 18:39:51 +0000 Mark http://linuxcsb.org/?p=369 Footiefox w akcëji, w nórcëkù przezérnika Firefox

Footiefox w akcëji, w nórcëkù przezérnika Firefox

Ùwôżny czëtińcë pamiãtają mòże jesz, że 4 lata nazôd ma mielë pisóné na starnie kaszubia.com ò rozszérzeniu dlô Firefoxa, dzãka chtërnemù szło w nórcëkù przezérnika dozérac skùtczi fùsbalowich mésterstwów swiata. Në ë terô mómë téż taką mòżnotã, a to dzãka rozszérzeniu Footiefox .

Nastôw Mésterstwa Swiata w Fùsbalë, w rozszérzeniu Footiefox

Nastôw Mésterstwa Swiata w Fùsbalë, w rozszérzeniu Footiefox

Jakno je dobëc ë zrëszëc?

Sygnie do tegò le miec ù se winstalowóny przezérnik Firefox , zladowac rozszérzenié Footiefox ë je winstalowac. Pò zrëszeniu przezérnika znowa, dobëje sã mòżnotã nastôwù wielu òptacëji, z czegò w przëtrôfkù Mésterstwa  Swiata w Fùsbalã, je nót wëbrac w dzélu „Swiat” World Cup” ë zwëczajno dodac do prawi starnë tabelë, jakno na òbrôzkù.

Wëskakùjącé òkno przë tim jak bala wpadnie do bramczi

Wëskakùjącé òkno Footiefoksa przë tim jak bala wpadnie do bramczi

Mùsz dlô kibòlów co nie chcą sã òderwac òd kòmpùtra ;-)

]]> http://linuxcsb.org/przezerniczi/footiefox-z-leznosce-mesterstwa-swiata/feed 3 Ubuntu/Kubuntu 10.04 LTS http://linuxcsb.org/linuksowe-distribuceje/ubuntu/ubuntukubuntu-10-04-lts http://linuxcsb.org/linuksowe-distribuceje/ubuntu/ubuntukubuntu-10-04-lts#comments Sun, 16 May 2010 20:17:50 +0000 Mark http://linuxcsb.org/?p=362 Ubuntu 10.04 LTS “Lucid Lynx” òstało ùprzistãpnioné dwie niedzele nazôd. Bënë mómë, w przërównaniu do wczasniészi wersëji, wiele zjinaków w graficznycm wëzdrzatkù, krótszi start systemë ë m.jin. nowé ònlain ùsłëżnotë. Całownô zamkłô w tich distribùcëjach softwôra je naturalno przëstãpnô w nônowszich swòjich wersëjach. Ubuntu 10.04 LTS je wersëją z dołgòterminowim wspiarcém, piąc lat dlô serwerów ë trzë dlô biurkòwich („zwëczajncyh”) wersëjów. Mòżelëwô je aktualizacëjô z wersji 8.04 LTS ë 9.10 .

Kubuntu 10.04 LTS je pierszą wersëją z dołgòterminowim wspiarcém, chtërnô zamëkô w se KDE 4 – tã wersëja KDE je téż zdolmaczonô na kaszëbsczi ë przez to Kubuntu mòże dali nastôwic na kaszëbsczi jãzëk, jak to ju bëło w slédnych latach.
Jeżlë sygnie nama czasu, to bãdzemë mielë starã ò to, żebë ùprzëstãpnic wama tuwò téż kaszëbskòjãzëkòwò zrëchtowóny òbrôz ISO, chtëren bãdze szło wëpôlëc na platczi CD czë DVD.

Nowé wersëje mòże zladowac ze starnów:

]]> http://linuxcsb.org/linuksowe-distribuceje/ubuntu/ubuntukubuntu-10-04-lts/feed 0 Kaszëbsczi Linux w Radio Gduńsk http://linuxcsb.org/wkol-kaszebsczego-linuksa/kaszebsczi-linux-w-radio-gdunsk http://linuxcsb.org/wkol-kaszebsczego-linuksa/kaszebsczi-linux-w-radio-gdunsk#comments Sun, 28 Feb 2010 20:07:25 +0000 Mark http://linuxcsb.org/?p=352 Chcemë òdnotowac gòscënã, jednegò z wespółrobòtników starnów linuxcsb.org, Michała Òstrowsczégò w Radio Gduńsk, dze mógł òn 21 gromicznika kąsk przëblëżëc słëchińcom aùdicëji Na bôtach ë w bòrach, nają robòtã nad dolmaczënkã dzélów Linuksa na kaszëbsczi, ò jaczi wama na tich starnach piszemë.
Aùdicëjã mòże òdsłëchac w archiwùm gduńsczégò radia – téma dolmaczënkù nachôdô sã kòl kùńca.

Chcemë sprostowac przë ti leżnoscë wëdowiédzã ò naszich starnach – ne są w sécë òd 2006 rokù, a ni “2 lata” jakno mòże to ùczëc w aùdicëji. Jesma rad z tegò, że na téma, chòc gwës w przërówaniu do wszelejaczich sztridów mało medialnô, nalazła sã w Radio Gduńsk.

* Logò Radia Gduńsk pòchôdô ze starnów radio.gdansk.pl ë to òne są jegò miéwcą

]]> http://linuxcsb.org/wkol-kaszebsczego-linuksa/kaszebsczi-linux-w-radio-gdunsk/feed 0 Linuxcsb 1 – Kaszëbsczi Remix Kubuntu 9.10 http://linuxcsb.org/kde/kaszebsczi-remix-kubuntu-9-10 http://linuxcsb.org/kde/kaszebsczi-remix-kubuntu-9-10#comments Tue, 12 Jan 2010 15:17:10 +0000 Mark http://linuxcsb.org/?p=322 Mómë przërëchtowóną dlô waji do zladënkù  platkã CD Kaszëbsczi Remix Kubuntu 9.10 (csb-lite), dofùlowóną kaszëbsczim jãzëkã ë kąsk zmòdifikòwóną, pierszã òperacjową systemã Linux pò kaszëbskù  – òpiartą w 100% na distribùcëji Kubuntu 9.10.  Je to platka chtërną mòże zladowac z najich starnów ë jaką mòże pòzdze brëkòwac abò prosto z CD, abò téż jã zwëczajno winstalowac. Zamòdlëwómë, dlô nowich brëkòwników Linuksa, abë wëpróbòwôlë jã wprzód prosto z CD – bez instalacëji.

Òbrôz ISO platczi (680 MB) mòże zladowac z negò placu:

Przëdatnô wama mòże òkôzac sã pòmòc w ùsôdzeniô sztartowi platczi CD pòd Windowsã ze zladowónegò lopka, czëtôjtã proszã ò tim na naji starnie: Zrechtowanié sztartowi platczi cd/dvd pod windowsa

Jakno zrëszëc Kaszëbsczi Remix Kubuntu 9.10 ju pò wëpôleniu platczi?

Włóżta zwëczajano platkã do wajegò nëkù CD ë zrëszta kòmpùtr z niã bënë. Pò wëskrzënieniu sã sztartowégò menu klëknijta na knąpã  Enter abë zrëszëc systema blós z CD – bez instalacëji. Jeżlë sã to wama nie darzëło, to je nót wama zmienic sztartową pòsobnicã w BIOS kòmpùtra.

Czim je Kaszëbsczi Remix Kubuntu 9.10?

Nie je òn tak pò prôwdze niczim jinszim jakno kąsk zmòdifikòwóną wersëjã Kubuntu 9.10 dofùlowóną ò kaszëbsczi ë pòlsczi jãzëk. Ne dwa jãzëczi dôwają nama mòżnotã przëstãpù téż do bòkadny softwôrë w pòlsczim jãzëkù, chtërnô jesz nie je zdolmaczonô na kaszëbsczi. Bëło to dlô naji wôżné, bò dzãka temù nié mómë ògrańczeniô w dofùlowaniu systemë zrozmiałima dlô brëkòwników programama.

Jaczé wspiarcé mô Kaszëbsczi Remix Kubuntu 9.10?

Taczé sómé jakno kòżdô jinszô wersëjô Kubuntu – prosto z serwerów ùdbów familëji Ubuntu, dze téż nachôdô sã m.jin. naji dolmaczënk.

Je Kaszëbsczi Remix Kubuntu 9.10 nową distribùcëją?

Nié, nie je.

To le zestôwk aplikacëjów ë nastôwów jaczé kòżdi mòże téż sómemù ù se w Kubuntu ùsôdzëc.
Ùsôdzony òstôł òn do tegò, abë zlëtczic nowim brëkòwnikòm Linuksa prawie ne nastôwë.

Jak to je w nim z pisaniém pò pòlskù?

Mómë aùtomatno dodóné dwa ùstôwë klawiatrë: kaszëbsczi ë pòlsczi. Klëknijta zwëczajno na pòlską fanã z nôdpisã “csb” abë zmienic ùstôw na pòlsczi ë znôwù nazôd abë dobëc kaszëbsczi.

Jak to je z tim kaszëbscizm dolmaczënkã?

Mómë starã òd 4 lat ò to abë naji dolmaczënk bëł jak nôlepszi, jesma równak le lëdzama, a lëdze robia fele, stądka proszimë ò zrozmienié dlô przez waji dozdrzónych zmiłków.
Kaszëbsczi Remix Kubuntu 9.10 zamëkô w se w przédnym dzélu naji całowny dolmaczënk òkrãżô KDE ë je dofùlowóny baro malińczim dzélã przëstãpnegò w kaszëbsczim najegò dolmaczënka Ubuntu.

Gdze dobëc pòmòcë w sécë?

Pòmòcné artikle dobëjeta  m.jin.:


Żëczëmë wiele szpôsu w testowaniu!!!

Mark Kwidzińsczi ë Michôł Òstrowsczi

]]> http://linuxcsb.org/kde/kaszebsczi-remix-kubuntu-9-10/feed 4 Linux Mint 8 (skaszëbiony) http://linuxcsb.org/linuksowe-distribuceje/ubuntu/linux-mint-8-skaszebiony http://linuxcsb.org/linuksowe-distribuceje/ubuntu/linux-mint-8-skaszebiony#comments Sun, 06 Dec 2009 15:15:10 +0000 Mark http://linuxcsb.org/?p=294 linux_mintLinux Mint 8 (kòdowé miono: Helena) , distribùcëjô zbùdowónô na nowim Ubuntu 9.10 (Karmic Koala) , òsta wëdónô w slédnym tidzeniu.  Zamkłé w Ubuntu dzéle systemë są téż zamkłé w nowim Mince, ë tak mómë w nim jądro 2.6.31, Gnome 2.28 ë Xorg 7.4, startową programã Grub2, a  sztandardową systemã lopków je téż Ext4.

Jinaczi jakno Ubuntu ë wielu jinszëch linuksowich distribùcëjach, w Linux Mint mómë ju z dodomù winstalowóné nôwôżniészé mùltimedialné kòdeczi, tak że mòże zarô pò instalacëji zrëszac lopczi  MP3, grac platë DVD czë òbzérac filmë na YouTube.

linux-mint-8-menu

Kaszëbsczé menu Linux Mint 8

linux-mint-8-csb

Linux Mint 8 - skaszëbiony

Linux Mint przënôszi ze sobą swòjé menu, chtërné ju terô, dzãka naji przë nim robòce, je téż przëstãpné w kaszëbsczim jãzëkù –  to samò tikô sã tipicznych blós dlô Linux Minta aplikacëjów. Na nen ôrt, chòc dolmaczëc, dolmaczimë wicy przë KDE, dostôwô z Linux Mintã brëkòwnik wersëjã òperacjowi systemë Linux òpiarti na GNOME, chtërnô ju z pòzdrzatkù bëtnoscë kaszëbsczégò jãzëka mòże ju dac mù zadowòlenié.

Prostota instalacëji, winstalowóné kòdeczi ë kaszëbsczi jãzëk wëdôwają sã gôdac do kaszëbsczich lubòtników GNOME za ną distribùcëjã. Z czasã bãdze gwës téż wicy przëstspnych kaszëbskòjãzëkòwich aplikacëjów – chãtni do wespółrobòtë są do ni rôczony!!

Zladowac Linux Minta mòże ze starnów: linuxmint.com

]]> http://linuxcsb.org/linuksowe-distribuceje/ubuntu/linux-mint-8-skaszebiony/feed 0 Linuksowô wëdôwkòwô jeséń http://linuxcsb.org/linuksowe-distribuceje/opensuse-distribuceje/linuksowo-wedowkowo-jesen http://linuxcsb.org/linuksowe-distribuceje/opensuse-distribuceje/linuksowo-wedowkowo-jesen#comments Sun, 29 Nov 2009 21:56:38 +0000 Mark http://linuxcsb.org/?p=282 Òd jaczégòs ju czasu dostôwómë dwa razë w rokù nowé wëdôwczi zaktualnionych linuksowich distribùcëjów. Tak pò prôwdze to nié wszëtczich, równak czile z tich wikszich robi to regùlarno.

Tak bëło téż w tã jeséń – w slédnych tidzéniach pòkôzałë sã distribùcëje:

Kòżdô z nich niese ze sobą zaktualnioną softwôrã, nowé jądra Linuksa ë generalno to mniszé czë wikszé zmianë na lepszé ë to tak, że tak pò prôwdzë to kòżdi mòże nalezc, westrzód nich,  pasowną distribùcëjã dlô se.  Instalacëjô kòżdi z wëżi namieniónych je zblëżono letkô ë nawetka ti, co nié mają zebrónegò wiôldżegò doswiadczeniô w ni, bãdą w sztãdze sã z nią pòradzëc.

Instalownik Firefoksa w Kubuntu 9.10

Instalownik Firefoksa w Kubuntu 9.10

Przez to, że dolmaczimë na kaszëbsczi KDE ë tipiczné distribùcjowé dzéle prosto przë Kubuntu chcemë le zamòdlëc tã distribùcëjã dlô tich, co chcą nastôwic w Linukse kaszëbsczi jãżëk, bë ji prawie brëkòwôlë, przez to że je òna nôbarzi skaszëbionô.

Òstôwając przë Kubuntu, to nie wiémë jak wama, le nama wiédno gwës felowało to, że pò instalacëji nie dało bënë zarô przezérnika Firefox. Terô téż gò jesz nie dô :-) chòc je ju lżi gò doinstalowac, a to dzãka môłi aplikacëji (téż pò kaszëbskù) jaką mòże nalezc w internetowim dzélu menu KDE.

]]> http://linuxcsb.org/linuksowe-distribuceje/opensuse-distribuceje/linuksowo-wedowkowo-jesen/feed 0 Nero Linux 4 http://linuxcsb.org/oglowe-nowine/nero-linux-4 http://linuxcsb.org/oglowe-nowine/nero-linux-4#comments Sun, 20 Sep 2009 15:55:12 +0000 Mark http://linuxcsb.org/?p=276 Przëstãpnô je ju nôslédnô wersëjô softwôrë do wëpalaniô platków Nero dlô Linuksa w wersëji 4 (ò pierszi wersëji dlô Linuksa ma mielë wama ju łoni pisónë). W nowim wédôwkù mómë w Nero Linux 4 dodstónegò asistenta Nero Expres, jaczegò dało ju rëchli w wersëji dlô Windowsa. Nowô je téż kòrekta felów przë ùsôdzaniu disków Blue-Ray, jakno ë integracëjã z Isolinux z chtërny pòmòcą mòże ùsôdzac sztartowé disczi. Doszłé są téż nowé wspieróné fòrmatë aùdio Musepack ë AIFF

Nero Linux 4 kòsztô kòl 80 złotëch ë wespółrobi, pòdle wëdôwcë, z Red Hat Enterprise Linux 5, OpenSuse 10.3, Fedora 7, Debian 4.0, Ubuntu 7.04 ë wszëtczima wëższima wersëjama.

Czëtôjta wicy na domôcëch starnach.

Przëbôczómë przë ti leżnoscë ò baro dobri darmôk softwôrze k3b jaką mòże brëkòwac pòd Linuksã.

]]> http://linuxcsb.org/oglowe-nowine/nero-linux-4/feed 0 Ubuntu 8.04.3 LTS http://linuxcsb.org/linuksowe-distribuceje/ubuntu/ubuntu-8-04-3-lts http://linuxcsb.org/linuksowe-distribuceje/ubuntu/ubuntu-8-04-3-lts#comments Sat, 18 Jul 2009 10:03:17 +0000 Mark http://linuxcsb.org/?p=269 Rozwijôrze Ubuntu ùprzëstspnilë trzecé ju zaktualnienié wersëji z dołgòterminowim wspiarcém 8.04 LTS.

Zamëkô òno w se kòl 80 zaktualnieniów paczetów, dze króm zasztopaniô czile dzurów bezpiekù, mómë prosté kòrektë wszelejaczich kòmpònentów zwikszającé jich kòmpatibilnotã. Abë przë nowi instalacëji wersëji 8.04.3 nie bëło nót ladowac za wiele zaktualnieniów ùprzëstãpniô distribùtor terô téż nowé instalacjowé media. Zaktualnioné òstało téż hardwôrowé wspiarcé zamkłé w jądrze Linuksa.

Fùlwspiarcé dlô całi familëji Ubuntu 8.04 stoi na serwerach dlô desktopòwi wersëji do łżëkwiata 201, a dlô serwerowi do łżékwiata 2013 rokù

Drobnotë zmianów mòże przrczëtac na starnie https://wiki.ubuntu.com/HardyReleaseNotes/ChangeSummary/8.04.3

Nowô wersëjô stoi do zladënkù na starnie: ubuntu.com/getubuntu/download

]]> http://linuxcsb.org/linuksowe-distribuceje/ubuntu/ubuntu-8-04-3-lts/feed 0