Kaszëbsczi Linux ë Ôpen Ùdbë : linuxcsb.org » Przezérniczi

Footiefox – z lëżnoscë Mésterstwa Swiata

Mark — Sat, 12 Jun 2010 18:39:51 +0000

Footiefox w akcëji, w nórcëkù przezérnika Firefox

Ùwôżny czëtińcë pamiãtają mòże jesz, że 4 lata nazôd ma mielë pisóné na starnie kaszubia.com ò rozszérzeniu dlô Firefoxa, dzãka chtërnemù szło w nórcëkù przezérnika dozérac skùtczi fùsbalowich mésterstwów swiata. Në ë terô mómë téż taką mòżnotã, a to dzãka rozszérzeniu Footiefox .

Nastôw Mésterstwa Swiata w Fùsbalë, w rozszérzeniu Footiefox

Jakno je dobëc ë zrëszëc?

Sygnie do tegò le miec ù se winstalowóny przezérnik Firefox , zladowac rozszérzenié Footiefox ë je winstalowac. Pò zrëszeniu przezérnika znowa, dobëje sã mòżnotã nastôwù wielu òptacëji, z czegò w przëtrôfkù Mésterstwa Swiata w Fùsbalã, je nót wëbrac w dzélu „Swiat” World Cup” ë zwëczajno dodac do prawi starnë tabelë, jakno na òbrôzkù.

Wëskakùjącé òkno Footiefoksa przë tim jak bala wpadnie do bramczi

Mùsz dlô kibòlów co nie chcą sã òderwac òd kòmpùtra

Ùstônôwianié rekòrdu swiata z Mozillą

Mark — Fri, 30 May 2008 17:26:29 +0000

Mozilla wòłô do bicô rekòrdu swiata w nôczãszczi zladowóny softwôrë òb 24 gòdzënë. Softwôrã jaką ma nen rekòrd bëc ùstanowióny je nowi Firefox 3.

Jeżlë wszëtkò dobrze póńdze, to wielëna zladënków òstónié dodónô do Knédżi Guinnessa. Czédë òstónié òddóny nowi Firefox 3 do wòlnegò zladënka jesz nie stoi feste, nimò tegò fanowie Firefoksa mògą sã zeregistrowac na stranie Spreadfirefox.com, bë w dzéń ùwòlnieniô nowi wersëji dostac e-maila z pòwiadomieniém ò tim.

Òbczas pisaniô tegò wiadła mô sã ju wicy jakno 320 tësãców chãtnéch zaregistrowónëch.

Karno linuxcsb.org rôczi naszich czëtińców bratëczno do wespólny zôbawë w bice rekòrdu swiata!

Registrëjeta sã na starnach spreadfirefox.com

Filmë w Firefokse

Michôł — Wed, 08 Aug 2007 17:28:15 +0000

Lubi mie czasã òbzéranié filmów na kòmpùtrze. Òsoblëwie slédno zdrzã na stôri filmë jaczi jidze nalezc na stage6.divx.com. Równak, żebë miec przëstãp do dostónków ti serwerë, nót je w (K)Ubuntu (mést dlô jinëch distribùcëjów bãdze juwerno) zainstalowac paczét mozilla-mplayer. Jeżlë to nie sygnie ë wcyg na starnie bãdze wëdowiedzô, że filmë òdgrëwac pòd Linuksã mòże w Mplayer, to w Konsolë dodôwómë wpisenczi:

cd /usr/lib/firefox/plugins/
sudo ln -s /usr/lib/mozilla/plugins/mplayerplug-in-dvx.so
sudo ln -s /usr/lib/mozilla/plugins/mplayerplug-in-dvx.xpt

Terô jesz zrëszamë Firefoksa znowa ë ju mòżemë wzérac na fejn filmë!

Mój bédënk:

http://stage6.divx.com/The-Last-Stop/videos/

http://stage6.divx.com/Film-Vault/videos/

Co z Thunderbirdã?

Michôł — Sat, 28 Jul 2007 16:09:05 +0000

Na blogù generalny direktorczi MozillaCorp, Mitchell Baker, pòkôza sã infòrmacëjô, że Fùndacëjô Mozilla ùdba so zerzec sã z rozwiju pòcztowégò klienta Thunderbird.

Przidnym òrądzã zerzeczeniô sã mô bëc za wiôldżié angażowanié sã Fùndacëji w robòtë nad rozwijã przezérnika Firefox, ze szkòdą dlô robòtë nad Thunderbirdã.

Fùndacëjô widzy trzë dardżi, jaczima mòże jic rozwij Thunderbirda:

ùsôdzenié samòstójny non-profit stwôrë, szlachùjący za Fùndacëją Mozilla (Fùndacëjô Thunderbird)
ùsôdzenié zanôléżny òd Fùndacëji wëcmaniznë, w jaczi lëdzë robile bë blós nad rozwijã pòcztowégò kilenta
òddanié rozwiju Thunderbirda w rãce spòlëznë

Fùl zamkłosc wpisënkù mòże nalezc tuwò.

Major Update na Firefox 2.0

Mark — Sun, 01 Jul 2007 07:57:49 +0000

Kùńczi sã ju wspiarce dlô Firefoxa 1.5.0.12, jaczé miało dérowac do łżëwkwiôta blós z technicznëch przëczënów òstało przedłużoné. Terô chcąc dali dostôwac zaktualnienia przezérnika, je to òsoblëwié wôżné przë òdkrëtëch nowich dzurach w jegò bezpiekù, je nót przeprowadzëc aktualizacëjã do aktualny wersëji 2.0.0.4. Brëkòwnicë Windowsa (w Linukse przë włączony òptacëji zaktualnianiô softwôrë jidze to w sparłączeniô z nią aùtomatno) dostôlë tuwò pòprôwiony Major Update z Firefoxa 1.5.0.12 na 2.0. Fùndacëjô Mozilla chce na nen ôrt sã ùgwésnic, że jak nôwicy brëkòwników – nawetka ti co nie òdstôwilë kòmpletno aùtomatnegò zaktualnienia – dostaną mòżnotã doprowadzeniô przezérnika do slédny wersëji. Wôrt je przed ji przeprowadzeniém sprôwdzëc lëstã wspierónëch rozszerzeniów, bò dzél ze stôrëch mòże nie bëc kòmpatibilny z nową wersëją.

Alternatiwno mòże jesz wiedno zladowac nônowszą wersëjã ze starnë zladënkù ë nã zainstalowac.

FoxTorrent

Mark — Sat, 28 Apr 2007 16:06:18 +0000

FoxTorrent 1.0 to nôslédné rozszerzenié dlô Firefoxa, jaczé ùmòżlëwiô prowadzëc zladënczi BitTorrenta prosto w przezérnikù. FoxTorrent żdô pò instalacëji w spódkù przezérnika ë stôwô sã aktiwny pò klëkniãcu lënka z BitTorrenta ë przejimô zladënk bez mùszebnotë zrëszaniô bùtnowëch aplikacëjów. FoxTorrent zamëkô téż w se mòżnotã strumieniowégò graniô ladowónëch lopków wideò ë aùdio bez mùszebnotë żdaniô do kùnca zladënkù.

Za tim rozszerzeniém stoi meksykańskô firma Red Swoosh, jakô òsta przëjãtô w pòłówie łżëkwiôta przez Akamai. Ze swòją wiôlgą swiatową sécą serwerów cache, przëspieszô Akamai dostôrczanié sécowich aplikacëjów ë wiôldżich zladënków dlô taczich firm jakno n.p. Apple ë Adobe.

FoxTorrent 1.0 dlô Firefoxa stoi do zladënkù dlô òperacjowëch systemów: Windows, MacOS X ë Linux.

Zladënk: foxtorrent.com

Firefox 3 Alpha 3

Mark — Mon, 26 Mar 2007 17:27:13 +0000

Karno Mozillë ùprzistspniło trzecą wersëjã alpha swòjegò nowegò przezérnika Firefox. Kòdowé miono ti wersëji to Gran Paradiso Alpha 3 ë je òna sczérowónô do testowników ë ùsôdzców sécowich aplikacëjów. Brëkòwnicë Firefoxa 2 są proszony bë nie istalowac wersëji alpha, a to ju chòc zwëczajno dlôte, że nie ùzdrzą za wiele jinosców w òbsłużenkù. Na pierszim placu w rozwiju przezérnika stał dalszi pòkrok w robòce nad Rendering-Engine Gecko do wersëji 1.9. W Gran Paradiso Alpha 3 mòże (za tim co stoi w: release notes) m.jin. testowac to jak przedstôwiô Rendering-Engine animòwóné PNG.
Wôżné wiadło dlô brëkòwników Maca, proszã testowac na wersëji Mac OS X wëżi, abò równy 10.3.9.

Mozilla sztepô kriticzné dzurë w łace

Mark — Wed, 07 Mar 2007 17:26:38 +0000

Karno Mozillë pòdało, że slédno òpùblikòwóné łatë dlô Firefoxa ë Seamonkey zasztopôłë midzë jinszëma kriticzné fele w bezpiekù przezérników, jaczé sã dopiérze pòkôzałë pò łace z gòdnika. Na nié pòlepszëła bezpiekù le jesz pògòrszëła gò, dôwając mòżnotã wëwòłaniô przez javascript:URI (w sparłaczeniém z IMG-Tagama) swòjôwòlnegò kòdu w systemie, nawetka eżlë brëkòwnik wëłączëł ù se JavaScript. Juwernë jiwrë miôł téż Microsoft w 2006 rokù w Internet Explorerze.

Fela nie tikała sã brëkòwników Thunderbirda, nimò tegò, że na łata z gòdnika òsta tuwò téż wbùdowónô, tuwò równak mail-client nie wëkònëwô javascript:URI w IMG-Tagach. Òpùblikòwóné w gromicznikù Firefox 2.0.0.2/1.5.0.10 ë SeaMonkey 1.1.1/1.0.8 nie zamëkôłë ju w se ti felë.

Karno Mozillë zamôdlëwô zaktualnienié do tich wersëjów !

Wiadło bezpiekù karna Mozilla:

http://www.mozilla.org/security/announce/2007/mfsa2007-09.html

Nie zabëjë ò Pajacykù!

Michôł — Sun, 25 Feb 2007 11:40:43 +0000

Chòba kòżdi czëł ju ò akcëji Pajacyk a wielu chòc rôz klëknãło, żebë taczim ôrtã dac szansã na zjestkù dlô dzeców. Program nen prowadzy Pòlskô Hùmanitariowô Akcëja (PAH – Polska Akcja Humanitarna). Kòżdé klëkniãcé na pùsti brzëch Pajacyka dôwô 5 dodôwnëch groszów na cepłé zjestkù, chtërne w całoscë kòszta 2,50 zł. Wicy wëdowiédzë ò sami akcëji na starnie www.pajacyk.pl.

Jeden z pòlsczich interneutów, Krësztof Kot ùsôdzëł nowi dodôwk do przezérnika Firefox, jaczi sprôwdza czë brëkòwnik przezérnika nie zabëł tegò dnia ò klëkniãcym w Pajacyka. A jeżlë jo, téj òtmëkô starnã Pajacyka dzãka czemù flot mòże pòmóc dzecom.

Seamonkey 1.1

Mark — Fri, 19 Jan 2007 13:29:11 +0000

Òd 18. stëcznika mòże ju zladowac nôslédną 1.1 wersëjã internetowegò paczétu Seamonkey (przódë Mozilla-Suite).

Dobrowòlnicë ùdbë Seamonkey rozwijają jã dali, tak jakno bëło to w założeniach Mozilla-Suite, jakno jeden zestôwk internetowëch programów ùprzistãpniając w nim brëkòwnikòm: przezérnik, e-mailową ë chat programã, DOM-inspektora, nôrzãdza JavaScript-debuggera ë programã WYSIWYG do ùsôdzaniô internetowëch starnów.

W przërównaniém do wersëji 1.0.7, nachôdô sã w nowi Seamonkey wiele nowòsców, w tim m.jin.: nônowszô wersëjô Chatzillë, zjinaka fùncëji załóżków, jakô dôwô terô, pò najechaniém na jedną z nich, wëskakùjący ji pòdzérk, czë farwné òznakòwanié url-ów ju òbzérónëch starnów.

Fùl lëstã zmianów nachôdô sã na starnach ùdbë
Zladënk (mùltiplatfòrmòwi) najdzéta na starnach: http://www.mozilla.org/projects/seamonkey/releases/